النظام الجديد لكود صورة الرابيد شير

**HuSSeiN** الخميس أبريل 17, 2008 6:40 pm

بسم الله الرحمن الرحيم

طبعاً لأن أغلب اللي بيحمل من علي النت دايماً بيستخدم الرابيدشير , لأنه موقع مهم وحوالي 70% من الملفات اللي انت عاوزها بتلاقيها مرفوعه عليه ....... المهم.....من إمبارح الرابيد شير عمل نظام جديد لل(Access Code)
اللي هو الكود اللي انت بتكتبه قبل ما تبدأ التحميل لو معندكش عضوية علي الموقع ومثال علي كدة :

طبعاً ملاحظين ان عدد الحروف الظاهرة أكتر من أربع حروف اللي المفروض انك تكبهم وملاحظين جملة

Please enter all letters having a CAT below
طبعاً لو ركزت في الصورة هتلاقي أن في حروف مرسوم وراها (كلب) وفي حروف مرسوم وراها (قطة) , المطلوب انك تكتب الحروف أو الأرقام اللي مرسوم وراها قطة بس , ودول لازم هتلاقيهم أربعة بس

يبقي الكود اللي انت هتكتبه للصورة الل فاتت هو bb8o اللي هما التاني والرابع والسادس والسابع من علي الشمال , يبقي انت كل اللي هتكتبه bb8o
أنا لما دخلت أول مرة كنت محتار ومش فاهم ولا حاجة لأني مكنتش ملاحظ موضوع القطط والكلاب ده .......
أتمني يكون الكل فهم....